ഷാർജ കെഎംസിസി സ്പോർട്സ് വിങ് ചെസ്സ് മത്സരം: തൃശ്ശൂർ, മലപ്പുറം ചാമ്പ്യന്മാർ

ഈദുല്‍ ഇത്തിഹാദ് ആഘോഷ ഭാഗമായി ഷാർജ കെഎംസിസി സ്പോർട്സ് വിങ്ങ് ചെസ്സ് മത്സരം സംഘടിപ്പിച്ചു.  ഷാർജ കെഎംസിസി സംസ്ഥാന ആക്ടിങ് പ്രസിഡന്റ് കബീർ ചാന്നാങ്കര ഉദ്ഘാടനം ചെയ്തു.

സീനിയർ പുരുഷന്മാരുടെ ആവേശം നിറഞ്ഞ മത്സരത്തിൽ തൃശ്ശൂരിൽ നിന്നുള്ള സവാദ് ഷംസുദ്ദീൻ ചാമ്പ്യനായി.
കോഴിക്കോടിന്റെ റഹീം കട്ടിപ്പാറ രണ്ടാം സ്ഥാനവും, കണ്ണൂരിന്റെ മുഹ്സിൻ അബ്ദുൽ ഹമീദ് മൂന്നാം സ്ഥാനവും കരസ്ഥമാക്കി. 

സീനിയർ വനിത വിഭാഗത്തിൽ ഫൈറൂസ് സലാമാണ് (മലപ്പുറം) ജേതാവ്. സമീറ (കണ്ണൂർ) രണ്ടാം സ്ഥാനവും, സനീറ (മലപ്പുറം) മൂന്നാം സ്ഥാനവും നേടി. ജൂനിയർ ബോയ്സിൽ ഹാദി സമൻ (മലപ്പുറം) കിരീടം നേടി. മറ്റ് രണ്ട് സ്ഥാനക്കാര്‍ ഇവരാണ്: നിഹാദ് (കാസർകോട്) രണ്ടാം സ്ഥാനം. അസിം (തൃശൂർ) മൂന്നാം സ്ഥാനം. ജൂനിയർ ഗേൾസ് ഫർഹ നൗഷാദാണ് (തൃശൂർ) വിജയി. അമൽ സിയ (മലപ്പുറം) രണ്ടാം സ്ഥാനവും, മെഹറിൻ അബ്ദുൽ ജബ്ബാർ (കണ്ണൂർ) മൂന്നാം സ്ഥാനവും നേടി. 

സ്പോർസ് വിങ് ചെയർമാൻ കെഎസ് ഷാനവാസ് അധ്യക്ഷത വഹിച്ചു. സംസ്ഥാന ജനറൽ സെക്രട്ടറി മുജീബ് റഹ്മാൻ തൃകണ്ണപുരം, ട്രഷറർ കെ അബ്ദുൽ റഹിമാൻ മാസ്റ്റർ, സെക്രട്ടറി നസീർ കുനിയിൽ, ഹംസ തിരുന്നാവായ, റിയാസ് നടക്കൽ, പിടി നസറുദ്ദീൻ,  ഹർഷാദ് റഷീദ്, റിസ ബഷീര്‍ സംസാരിച്ചു. കൺവീനർ റിയാസ് കാന്തപുരം സാഗതവും, കോഡിനേറ്റർ ഫർഷാദ് ഒതുക്കുങ്ങൾ നന്ദിയും പറഞ്ഞു. 

ഉസബകിസ്ഥാൻ കെഎംസിസി പ്രസിഡന്റ് പിപി ലത്തീഫ്, സികെ കുഞ്ഞബ്ദുല്ല, എൻപി അബ്ദുൽ ഹമീദ്, ബഷീർ ഇരിക്കൂർ, കെഎം ഷാഫി, റഫീക് നാദാപുരം സംബന്ധിച്ചു. 
സ്പോർട്സ് വിങ് അംഗങ്ങളായ അഷ്റഫ് വെട്ടം, ഷമീൽ പള്ളിക്കൽ, കാദർ പാലോത്ത്, അനീസ് അഴീക്കോട്, ഷക്കീർ കുപ്പം, ഇസ്മയിൽ വടകര, ഫവാസ് ചാമക്കാല, നുഫൈൽ പുത്തൻചിറ, റസാക്ക് മണിക്കോത്ത്, ഫിറോസ് വിഎച്ച്, സജ്ജാദ് എന്നിവർ നേതൃതം നൽകി.