മയക്കു മരുന്നില്‍ വാഹനമോടിച്ച് അപകടമുണ്ടാക്കി; ഡ്രൈവർക്ക് 25000 ദിർഹം പിഴ
മയക്കുമരുന്ന് ഉപയോഗിച്ച ശേഷം വാഹനമോടിച്ച് അപകടമുണ്ടാക്കിയ പ്രവാസി ഡ്രൈവർക്ക് വൻ തുക പിഴ വിധിച്ച് ദുബൈ കോടതി. ഏഷ്യൻ പ്രവാസി ഡ്രൈവർക്കാണ് പിഴ ലഭിച്ചത്. കാർ മെറ്റൽ ബാരിയറിൽ തട്ടിയാണ് അപകടം ഉണ്ടായതിനെ തുടർന്ന് പോലീസ് സംഭവ സ്ഥലത്തെത്തിയപ്പോൾ ഡ്രൈവറുടെ പെരുമാറ്റത്തിൽ സംശയം തോന്നുകയായിരുന്നു
പിന്നീട് നടത്തിയ പരിശോധനയിൽ ഇയാളുടെ പക്കൽ നിന്നും മയക്കു മരുന്ന് കണ്ടെത്തി. പ്രതിയെ ശാസ്ത്രീയ പരിശോധനക്ക് വിധേയനാക്കിയപ്പോൾ മയക്കു മരുന്ന് ഉപയോഗിച്ചിതായി സ്ഥിരീകരിക്കപ്പെട്ടു. പിന്നീട് കേസ് പബ്ലിക് പ്രോസിക്യൂഷന് കൈമാറി. പ്രതി മയക്കുമരുന്ന് ഉപയോഗിച്ചിരുന്നുവെന്ന് കണ്ടെത്തിയതിനെ തുടർന്നാണ് കോടതി ഇയാൾക്ക് കടുത്ത ശിക്ഷ വിധിച്ചത്. 25000 ദിർഹം പിഴയാണ് കോടതി ഇയാൾക്ക് വിധിച്ചത്. ഇയാളുടെ ഡ്രൈവിംഗ് ലൈസൻസ് ഒരു വർഷത്തേക്ക് സസ്പെൻഡ് ചെയ്യാനും കോടതി ഉത്തരവിട്ടു.
