ഈദ് അൽ അദ്ഹ; അബൂദബി ദർബ് ടോളുകൾ സൗജന്യം

ഈദ് അൽ അദ്ഹ സന്തോഷം,  അബൂദബിയിലെ 'ദർബ്' (Darb) റോഡ് ടോൾ ഗേറ്റുകൾ വഴി സൗജന്യമായി യാത്ര ചെയ്യാമെന്ന് അധികൃതർ അറിയിച്ചു. അവധി ദിനങ്ങളിൽ യാത്രക്കാർക്ക് സാമ്പത്തിക ആശ്വാസം നൽകുന്നതിനായി പ്രഖ്യാപിച്ച ഈ ആനുകൂല്യം എന്നാൽ രാജ്യത്തെ എല്ലാ ടോൾ ഗേറ്റുകൾക്കും ബാധകമായിരിക്കില്ല. അടുത്തിടെ പ്രവർത്തനമാരംഭിച്ച അൽ ഖുറം (Al Qurm), ഖന്തൂത് (Ghantout) എന്നീ രണ്ട് ടോൾ ഗേറ്റുകളിലൂടെ കടന്നുപോകുന്ന വാഹനങ്ങൾക്ക് ഈ ഇളവ് ലഭിക്കില്ലെന്നും ഈ ഗേറ്റുകളിൽ പതിവുപോലെ ടോൾ നിരക്കുകൾ ഈടാക്കുമെന്നും അധികൃതർ വ്യക്തമാക്കി.