കര്ണാടകയില് പഠന യാത്ര സംഘം സഞ്ചരിച്ച ബസ് മറിഞ്ഞു; അപകടത്തിൽപ്പെട്ടത് വടകരയിൽ നിന്നെത്തിയമലയാളി വിദ്യാർത്ഥികൾ
കർണാടകയിലെ ഹാസനിൽ വാഹനാപകടം, വടകരയിൽ നിന്നെത്തിയ മലയാളി വിദ്യാർത്ഥികളുടെ പഠനയാത്ര സംഘമാണ് അപകടത്തിൽപ്പെട്ടത്. 15 വിദ്യാർത്ഥികൾക്ക് പരിക്ക്. ബെംഗളൂരു സന്ദർശിച്ച് മടങ്ങുമ്പോഴാണ് ബസ് അപകടത്തിൽപ്പെട്ടത്. കോഴിക്കോട് ജില്ലയിലെ വടകരയിൽ നിന്നെത്തിയ മലയാളി വിദ്യാർത്ഥികളാണ് ഇവർ. ആരുടെയും പരിക്ക് ഗുരുതരമല്ല.
ഇന്നലെ രാത്രി പതിനൊന്നരയോടെയാണ് ബസ് അപകടത്തിൽപ്പെട്ടത്. ഹാസനിലെ അറയ്ക്കൽ ഗുഡ എന്ന സ്ഥലത്ത് വെച്ചാണ് അപകടം ഉണ്ടായത്. ഇവിടെ പവർഗ്രല്ലിന് സമീപത്തുവെച്ച് ബസ് മറിയുകയായിരുന്നു. സംഭവം നടന്നയുടൻ തന്നെ വിദ്യാർത്ഥികളെ നാട്ടുകാർ ചേർന്ന് ആശുപത്രിയിലെത്തിച്ചു. പരിക്ക് ഗുരുതരമല്ലാത്തതിനാൽ പ്രാഥമിക ചികിത്സ നേടിയ ശേഷം ഇന്നലെ രാത്രി തന്നെ സംഘം മടങ്ങി.
