ദുബൈ എയര്പോര്ട്ടിന് തിരക്കേറിയ ദിനങ്ങള് യാത്രക്കാർ; ഇതിനനുസരിച്ച് യാത്ര ആസൂത്രണം ചെയ്യണമെന്ന് അധികൃതർ
ദുബൈ അന്താരാഷ്ട്ര വിമാനത്താവളത്തിലെ ഏറ്റവും തിരക്കേറും ദിനങ്ങളാണിനി. ഡിസംബർ 31 വരെ, അഞ്ച് ദിവസം വിമാനത്താവളത്തിലൂടെ കടന്നുപോകുന്ന യാത്രക്കാരുടെ എണ്ണം ഏറ്റവും ഉയർന്ന നിലയിലായിരിക്കുമെന്ന് അധികൃതർ അറിയിച്ചു. വാരാന്ത്യങ്ങളും യുഎഇ ദേശീയ ദിന അവധി ദിവസങ്ങളുമടക്കമുള്ള ദിവസങ്ങളിലായി ഒരു കോടിയിലധികം യാത്രക്കാർ വിമാനത്താവളം വഴി സഞ്ചരിക്കും.
യാത്രക്കാർ അതിനനുസരിച്ച് അവരുടെ യാത്ര ആസൂത്രണം ചെയ്യണമെന്നും ദുബൈ വിമാനത്താവള അധികൃതര് അറിയിച്ചു. യുഎഇ ദേശീയ ദിനത്തോട് അനുബന്ധിച്ച് ഡിസംബർ 1, 2 തീയതികളിൽ പൊതു അവധിയാണ്. വാരാന്ത്യ അവധിയടക്കം നാല് ദിവസം തുടർച്ചയായ ഒഴിവാണ്. പ്രതിദിനം ശരാശരി 2,94,000ൽ കൂടുതൽ യാത്രക്കാരെത്തുമെന്നും ഡിസംബർ അവസാന ദിനം വരെ എണ്ണം വർധിക്കുമെന്നും അധികൃതർ പറഞ്ഞു. 87 ലക്ഷത്തിലധികം അതിഥികളെ സ്വാഗതം ചെയ്യും. ഡിഎക്സ്ബിയുടെ ഇതുവരെയുള്ള ഏറ്റവും തിരക്കേറിയ മാസമായിരിക്കുമിത്.
ഡിസംബറിൽ ദിന യാത്രക്കാരുടെ എണ്ണം മൂന്ന് ലക്ഷം കവിയുമെന്നാണ് പ്രതീക്ഷിക്കുന്നത്. 3,03,000 അതിഥികളുമായി ഡിസംബർ 20 ഏറ്റവും തിരക്കേറിയ ദിവസമായിരിക്കും.
