വഴി മുടക്കി മൂടല് മഞ്ഞ്..
[] ദുബൈയില് ഇന്നലെ പുലര്ച്ചെ വിമാനങ്ങള് വഴി തിരിച്ചു വിട്ടു
[][] രാജ്യത്ത് പലയിടത്തും ദൂരക്കാഴ്ച കുറയുമെന്ന് ബഹ്റൈന്, ഡ്രൈവര്മാര് ജാഗ്രത പാലിക്കുക
[] യുഎഇ ഉള്പ്പെടെയുള്ള രാജ്യങ്ങളില്
പുലര്ക്കാല സമയത്ത് അനുഭവപ്പെടുന്ന ശക്തമായ മൂടല് മഞ്ഞ്, വ്യോമ ഗതാഗത മേഖലയുടെ താളം തെറ്റിക്കുന്നു.
ഇന്നലെ രാവിലെ ദുബൈ വിമാനത്താവളങ്ങളിൽ വന്നിറങ്ങേണ്ടിയിരുന്ന 23 വിമാനങ്ങൾ കനത്ത മൂടൽമഞ്ഞിനെ തുടർന്ന് വഴി തിരിച്ചുവിട്ടു.
അതിരാവിലെയുണ്ടായ പ്രതികൂല കാലാവസ്ഥ കാരണം ദുബൈ ഇന്റർനാഷണൽ (DXB), ദുബൈ വേൾഡ് സെൻട്രൽ (DWC) എന്നിവിടങ്ങളിൽ നിന്നുള്ള 23 വിമാനങ്ങൾ വഴിതിരിച്ചുവിട്ടു. രാവിലെയോടെ ദൃശ്യപരത മെച്ചപ്പെട്ടുവെന്നും പ്രവർത്തനങ്ങൾ ഉച്ചയോടെ സാധാരണ നിലയിലായെന്നും അധികൃതർ അറിയിച്ചു. വരും ദിവസങ്ങളിൽ ഈർപ്പമുള്ള കാലാവസ്ഥ കൂടുതൽ മൂടൽമഞ്ഞിന് കാരണമായേക്കാമെന്നതിനാൽ യാത്രക്കാർ ജാഗ്രത പാലിക്കണമെന്ന് ദുബൈ എയര്പോര്ട്ട് അധികൃതര്അറിയിച്ചു.
[][] അതിരാവിലെ കനത്ത മൂടല് മഞ്ഞ് ഉണ്ടാവുമെന്ന് ബഹ്റൈന്. വാഹനവുമായി നിരത്തില് എത്തുന്നവര് ജാഗ്രത പുലര്ത്തണമെന്ന് നിര്ദേശം. അതിനാൽ, മൂടൽമഞ്ഞുള്ള സമയത്ത് വേഗത കുറച്ച്, ഹെഡ്ലൈറ്റുകൾ ഉപയോഗിച്ച്, സുരക്ഷിതമായ അകലം പാലിച്ച് വാഹനം ഓടിക്കണമെന്ന് അധികൃതര് നിര്ദേശിച്ചു.
