കത്തുന്ന ചൂട്, ഡെലിവറി റൈഡര്‍മാര്‍ക്ക് ആശ്വാസമായി 120,00 ശീതീകരിച്ച വിശ്രമ കേന്ദ്രങ്ങള്‍ ഒരുക്കി യുഎഇ

കടുത്ത ചൂടിൽ നിന്നും ഉയർന്ന താപനിലയിൽ നിന്നും ഡെലിവറി തൊഴിലാളികള്‍ക്ക് ആശ്വാസം നൽകുന്നതിനായി, യുഎഇ മാനവ വിഭവശേഷി, സ്വദേശിവൽക്കരണ മന്ത്രാലയം (MoHRE) രാജ്യത്തുടനീളം 12,000-ത്തിലധികം എയർകണ്ടീഷൻ ചെയ്ത വിശ്രമ കേന്ദ്രങ്ങൾ സജ്ജീകരിച്ചു.  ചൂടുകാലത്തെ മുൻനിർത്തി നടപ്പാക്കുന്ന 'താപ സമ്മർദ്ദ സംരക്ഷണ നയം' പ്രകാരം, എല്ലാ വർഷവും ജൂൺ 15 മുതൽ സെപ്റ്റംബർ 15 വരെ ഉച്ചയ്ക്ക് 12:30 മുതൽ വൈകുന്നേരം 3:00 വരെ നേരിട്ട് വെയിൽ ഏൽക്കുന്ന തുറസ്സായ സ്ഥലങ്ങളിൽ ജോലി ചെയ്യുന്നത് നിരോധിച്ചിട്ടുണ്ട്. ഈ ഇടവേളകളിൽ തൊഴിലാളികൾക്ക് ആശ്വാസമേകാനാണ് എയർകണ്ടീഷൻ ചെയ്ത വിശ്രമ കേന്ദ്രങ്ങൾ ഒരുക്കിയിരിക്കുന്നത്

യുഎഇയിലുടനീളമുള്ള റസ്റ്റോറന്റുകൾ, മാളുകൾ, റീട്ടെയിൽ സ്റ്റോറുകൾ, മറ്റ് പങ്കാളിത്ത സ്ഥാപനങ്ങൾ എന്നിവ വഴിയാണ് ഇത്രയും കേന്ദ്രങ്ങൾ സജ്ജമാക്കിയിരിക്കുന്നത്.ജൂൺ 15 മുതൽ സെപ്റ്റംബർ 15 വരെ, ഉച്ചയ്ക്ക് 12:30 മുതൽ വൈകുന്നേരം 3:00 വരെ. കുടിവെള്ളം, മൊബൈൽ ഫോൺ ചാർജ്ജ് ചെയ്യാനുള്ള സൗകര്യം, പാർക്കിംഗ് എന്നിവ ഈ വിശ്രമ കേന്ദ്രങ്ങളിൽ ലഭ്യമാക്കിയിട്ടുണ്ട്. ഡെലിവറി തൊഴിലാളികൾക്ക് അവരുടെ ആപ്പുകളിലെ ഇന്ററാക്ടീവ് മാപ്പുകൾ വഴി അടുത്തുള്ള വിശ്രമ കേന്ദ്രങ്ങൾ കണ്ടെത്താൻ സാധിക്കും.കൂടാതെ, ദുബൈയിൽ മാത്രം ദുബൈ റോഡ്‌സ് ആൻഡ് ട്രാൻസ്‌പോർട്ട് അതോറിറ്റിയുടെ  നേതൃത്വത്തിൽ പ്രത്യേകമായി സജ്ജീകരിച്ചിട്ടുള്ള 40 എയർകണ്ടീഷൻഡ് വിശ്രമ കേന്ദ്രങ്ങളും പ്രവർത്തിക്കുന്നുണ്ട്.