മറുനാടൻ മലയാളികളുടെ ഏറ്റവും വലിയ സാംസ്കാരിക സംഗമംഇന്ത്യൻ അസോസിയേഷൻ ഷാർജ ഓണാഘോഷം നാളെ ഷാർജ എക്സ്പോ സെൻററാണ് റിക്കാർഡ് ജനത്തിന് ഓണ സദ്യ വിളമ്പുന്ന വേദി. 25,000 പേർക്ക് ഓണ സദ്യ ഒരുക്കും. ഒരു പന്തിയിൽ 5000 പേർക്ക് വരെ ഒന്നിച്ചിരുന്ന് ഓണ സദ്യ കഴിക്കാനുള്ള സൗകര്യം ഒരുക്കിയതായി ഇന്ത്യൻ അസോസിയേഷൻ ഷാര്‍ജ പ്രസിഡൻറ് നിസാർ തളങ്കര അറിയിച്ചു.മുഴുദിന പരിപാടിയിൽ അര ലക്ഷം പേരുടെ പങ്കാളിത്തം പ്രതീക്ഷിക്കുന്നതായും അദ്ദേഹം കൂട്ടിച്ചേർത്തു. രാവിലെ 8 മണിക്ക് പൂക്കള മത്സരം. കേരളീയ കലാ രൂപങ്ങളുടെ പ്രദർശനവും ഘോഷ യാത്രയും ഉച്ചക്ക് 12ന് ആരംഭിക്കും. സിനിമ പിന്നണി ഗായിക സിതാര കൃഷ്ണ കുമാർ നയിക്കുന്ന സംഗീത ഷോ വേദിയെ ആഘോഷാരവത്തിലേക്ക് നയിക്കും. ദുബൈ ഇന്ത്യൻ കോൺസുലേറ്റിലെ കോൺസുൽ ജനറൽ സതീഷ് കുമാർ സിവനാണ് മുഖ്യാതിഥി.