ലിവ ഇന്റർനാഷണൽ ഫെസ്റ്റിവല് ആരംഭിച്ചു
അബുദാബി ലിവ ഇന്റർനാഷണൽ ഫെസ്റ്റിവലിന് തുടക്കമായി. ജനുവരി 3 വരെയാണ് ഫെസ്റ്റ്. അൽ ദഫ്ര മേഖലയിൽ സ്ഥിതി ചെയ്യുന്ന യുഎഇയിലെ തന്നെ ഏറ്റവും വലിയ മണൽക്കൂനയായ താൽ മോരീബിൻ്റെ താഴ്വാരയിലാണ് മരുഭൂമിയിലെ മഹോത്സവമായ ലിവ ഫെസ്റ്റിവല് സംഘടിപ്പിക്കുക. ഫെസ്റ്റിൻ്റെ ഭാഗമായി റേസുകൾ, ഡ്രിഫ്റ്റിംഗ്, ഡ്യൂൺ ഡ്രൈവിംഗ് തുടങ്ങിയ മത്സരങ്ങൾക്കൊപ്പം വിനോദപരിപാടികളും അരങ്ങേറും.
ലിവ ഇന്റർനാഷനൽ ഫെസ്റ്റിവല് മേഖലയില് സുരക്ഷാ, പ്രതിരോധ നടപടികൾ ശക്തമാക്കി അബുദാബി സിവിൽ ഡിഫൻസ് അതോറിറ്റി. ഉത്സവത്തിനെത്തുന്ന സന്ദർശകർക്കായി ഉയർന്ന സുരക്ഷാ സംവിധാനങ്ങൾ ഉറപ്പാക്കുകയാണ് അധികൃതര്.
ഫെസ്റ്റിവൽ വേദിയിൽ ഫയർ, റസ്ക്യൂ, ആംബുലൻസ് പോയിന്റുകൾ സ്ഥാപിക്കും. അപകട സാധ്യതകളെക്കുറിച്ചും പൊതു സുരക്ഷാ നടപടികളെക്കുറിച്ചും സന്ദർശകർക്ക് ബോധവൽക്കരണം നൽകും. ഉത്സവ നഗരിയിലെ സൗകര്യങ്ങൾ,അഗ്നിശമന സംവിധാനങ്ങൾ, എമർജൻസി എക്സിറ്റുകൾ എന്നിവ പരിശോധിക്കാൻ ഫീൽഡ് ഉദ്യോഗസ്ഥരെയും പട്രോളിങ് സംഘത്തെയും ചുമതലപ്പെടുത്തും
