മദീനയിലെ പ്രവാചക പള്ളിയിൽ 'ഹിദായ സെന്റർ' പ്രവർത്തനമാരംഭിച്ചു
മദീനയിലെ പ്രവാചക പള്ളിയിൽ ഹിദായ സെന്റർ പ്രവർത്തനമാരംഭിച്ചു. ഇരു ഹറമിൻ്റെ മതകാര്യ പ്രസിഡന്റ് ഡോ. ശൈഖ് അബ്ദുറഹ്മാൻ അൽ സുദൈസ് കേന്ദ്രത്തിന്റെ ഉദ്ഘാടനം നിർവ്വഹിച്ചു. തീർഥാടകർക്ക് ദഅ് വ സേവനങ്ങളും മാർഗനിർദേങ്ങളും നൽകുന്നതുമാണ് കേന്ദ്രത്തിന്റെ പ്രധാന ലക്ഷ്യം. സേവനങ്ങളുടെ ഗുണനിലവാരം ഉയർത്തുന്നതിനായി അത്യാധുനിക സാങ്കേതികവിദ്യ പ്രയോജനപ്പെടുത്തണമെന്ന് ഉദ്ഘാടന വേളയിൽ അൽ സുദൈസ് ഊന്നിപ്പറഞ്ഞു. ഹറം കാര്യാലയത്തിൻ്റെ സന്ദേശം ആഗോളതലത്തിൽ കൂടുതൽ ഫലപ്രദമായി എത്തിക്കാൻ സാങ്കേതിക വിദ്യയിലൂന്നിയുള്ള ഇത്തരം പരിഷ്കാരങ്ങൾ അത്യാവശ്യമാണെന്നും അദ്ദേഹം കൂട്ടിച്ചേർത്തു.
