ബഹ്റൈന് ദേശീയ ദിനം ഗംഭീര വെടിക്കെട്ട് നാളെ
ബഹ്റൈന് ആഘോഷ ദിനങ്ങള്. ദേശീയ ദിനാഘോഷങ്ങളുടെയും രാജാവ് ഹമദ് സ്ഥാനാരോഹണത്തിന്റെ വാർഷികത്തിന്റെയും ഭാഗമായി നാളെ ചൊവ്വാഴ്ച സഖിറിലെ ബഹ്റൈൻ ഇന്റർനാഷണൽ സർക്യൂട്ടിൽ ഗംഭീര വെടിക്കെട്ട് പ്രദർശനം നടക്കും.
വൈകുന്നേരം 7 മണി മുതൽ മിന്നുന്ന പ്രകാശത്തിന്റെയും ഊർജ്ജസ്വലമായ വർണ്ണങ്ങളുടെയും കാഴ്ച വിസ്മയം അരങ്ങേറും. പ്രവേശനം സൗജന്യമാണ്.
പരിപാടിയില് പങ്കെടുക്കാൻ ആഗ്രഹിക്കുന്നവർ നേരത്തേ എത്തിച്ചേരണമെന്ന് സംഘാടകര് നിര്ദേശിച്ചു. കാണികൾക്ക് വെടിക്കെട്ട് കാണാൻ ബിഐസിയിൽ പാർക്കിംഗ് സൗകര്യവും ലഭ്യമാണ്. കുടുംബാംഗങ്ങളോടും സുഹൃത്തുക്കളോടുമൊപ്പം രസകരവും വിശ്രമകരവുമായ ഒരു സായാഹ്നം ആസ്വദിക്കാൻ സർക്യൂട്ട് പരിസരത്ത് ഭക്ഷണ കിയോസ്ക്കുകളും ഉണ്ടാകും.
