ഖോർഫക്കാന്‍ ബീച്ചില്‍ ഇനി പൈതൃക മാര്‍ക്കറ്റും, എട്ട് ദശലക്ഷം ദിർഹം അനുവദിച്ച് ഷാർജ ഭരണാധികാരി

ഗള്‍ഫിന്റെ പൈതൃക നഗരിയില്‍ ഏറെ സവിശേഷതയുള്ള തീരമാണ് ഖോർഫക്കാന്‍. മലയാളികളുടെ ഗൾഫ് പ്രവാസത്തിന്റെ തുടക്കത്തിലെ നിര്‍ണ്ണായക കേന്ദ്രം. ഒന്നുമില്ലാതെ വരുന്നവരെ ഹൃദയപൂര്‍വ്വം സ്വാഗതം ചെയ്ത നല്ല മനുഷ്യരുടെ മണ്ണ്.

യുഎഇ സുപ്രീം കൗണ്‍സില്‍ മെമ്പറും ഷാർജ ഭരണാധികാരിയുമായ ഡോ. ശൈഖ് സുല്‍ത്താന്‍ ബിന്‍ മുഹമ്മദ് അല്‍ ഖാസിമി ഖോർഫക്കാന്റെ പഴമയുടെ പ്രൗഢി പുതു ലോകത്തിന് പരിചയപ്പെടുത്താന്‍ വന്‍ പദ്ധതി പ്രഖ്യാപിച്ചിരിക്കുകയാണ്. ഖോർഫക്കാനിലെ പേൾ ബീച്ചിനും എഡി 15-ാം നൂറ്റാണ്ടിലെ ഒരു പുരാവസ്തു സ്ഥലത്തിനും ഒരു പുതിയ പൈതൃക വിപണി സ്ഥാപിക്കാൻ ആണ് പദ്ധതി. 8 ദശലക്ഷം ദിർഹം ചെലവ് വരുന്ന ഈ പദ്ധതിയിലൂടെ  വിനോദസഞ്ചാര, പൈതൃക കേന്ദ്രം സൃഷ്ടിക്കുക എന്നതാണ് ലക്ഷ്യമിടുന്നത്. പൈതൃക തീം  ഉൾക്കൊള്ളുന്ന 20 കടകൾ, റെസ്റ്റോറന്റുകൾ, കഫേകൾ എന്നിവ ഇതിൽ ഉൾപ്പെടുന്നു. ആറ് മാസത്തിനകം പദ്ധതി പൂർത്തീകരിക്കും.