10 GB സൗജന്യം: അബുദാബി സായിദ് വിമാനത്താവളത്തില്‍ വന്നിറങ്ങുന്ന യാത്രികർക്കാണ് ആനുകൂല്യം
അബുദാബി സായിദ് അന്താരാഷ്ട്ര വിമാനത്താവളത്തില്‍ വന്നിറങ്ങുന്ന യാത്രികർക്കാണ് ആനുകൂല്യം, 24 മണിക്കൂര്‍ വരെ ഉപയോഗിക്കാം
അബൂദബി സായിദ് അന്താരാഷ്ട്ര വിമാനത്താവളത്തിൽ എത്തുന്ന അന്താരാഷ്ട്ര യാത്രക്കാർക്ക് ഇനി 10 ജിബിയുള്ള സിം സൗജന്യമായി ലഭിക്കും.
24 മണിക്കൂർ സാധുതയുള്ളതാണ് സിം കാർഡ്. യാത്രക്കാർക്ക് അവശ്യ ഓൺലൈൻ സേവനങ്ങൾ എളുപ്പത്തിൽ ലഭ്യമാക്കാനാണ് ഈ സൗകര്യം. സംവിധാനം ഒരുക്കാൻ അബൂദബി എയർപോർട്ട്സും ടെലികോം ഭീമനായ ഇ & യുഎഇ കമ്പനിയും കരാറിൽ ഒപ്പുവച്ചു. മാപ്പുകൾ, റൈഡ്-ഹെയ്‌ലിംഗ്, പേയ്മെൻ്റുകൾ, മെസേജിങ്, അബൂദബി പാസ് പോലുള്ള അവശ്യ ഓൺലൈൻ സേവനങ്ങൾ എളുപ്പത്തിൽ നേടാൻ ഈ സംവിധാനത്തിലൂടെ സാധിക്കും.
ലോകത്ത് ഏറ്റവും വേഗത്തിൽ വളരുന്ന വ്യോമയാന കേന്ദ്രങ്ങളിലൊന്നാണ് സായിദ് അന്താരാഷ്ട്ര വിമാനത്താവളം.
