സ്ഥാനാർത്ഥി നിർണയത്തിൽ തഴഞ്ഞെന്ന് പരാതി: ആര്എസ്എസ് പ്രവർത്തകൻ ആത്മഹത്യ ചെയ്തു.
സ്ഥാനാർത്ഥി നിർണയത്തിൽ തഴഞ്ഞെന്ന് പരാതി ഉയർത്തി ആര്എസ്എസ് പ്രവർത്തകൻ ആത്മഹത്യ ചെയ്തു. ആനന്ദ് കെ തമ്പിയാണ് ജീവനൊടുക്കിയത്.
നേതൃത്വവുമായുണ്ടായ തർക്കമാണ് ആർഎസ്എസ് പ്രവർത്തകന്റെ ജീവനൊടുക്കലില് കലാശിച്ചത്. തിരുമല സ്വദേശിയാണ് ആനന്ദ് തമ്പി. ആർഎസ്എസ് ബിജെപി നേതാക്കൾക്കെതിരെ ആത്മഹത്യാക്കുറിപ്പ് എഴുതി വെച്ചിരുന്നു. പതിനാറാം വയസ് മുതൽ ഇയാൾ ആർഎസ്എസിന്റെയും ബിജെപിയുടെയും സജീവ പ്രവർത്തകനാണ്. തദ്ദേശ സ്ഥാപനങ്ങളിലേക്കുള്ള തെരഞ്ഞെടുപ്പിൽ സീറ്റ് ലഭിക്കുമെന്ന് പ്രതീക്ഷിച്ചിരുന്നു. എന്നാൽ ബിജെപിയുടെ സ്ഥാനാർഥി പ്രഖ്യാപനത്തിൽ പേരില്ലാത്തതിനെ തുടർന്നാണ് ആനന്ദ് ആത്മഹത്യ ചെയ്തത്.
