ഫോട്ടോ എടുക്കുന്നതിനിടെ കെട്ടിടത്തിൽ നിന്ന് വീണു ദുബൈയിൽ മലയാളി യുവാവിന് ദാരുണാന്ത്യം

ദുബൈ: ദുബൈയിൽ ഫോട്ടോ എടുക്കുന്നതിനിടെ കെട്ടിടത്തിൽ നിന്ന് വീണ് കൗമാരക്കാരനായ മലയാളി മരണപ്പെട്ടു.

കോഴിക്കോട് വെള്ളിപറമ്പ് സ്വദേശി മുഹമ്മദ് മിശാൽ (19) ആണ് മരിച്ചത്. പരിക്കേറ്റ മിശാലിനെ ദുബൈ റാഷിദ് ആശുപത്രിയിൽ എത്തിച്ചെങ്കിലും ജീവന്‍ രക്ഷിക്കാനായില്ല.

ദുബൈയിൽ സന്ദർശക വിസയിൽ എത്തിയതാണ് മിശാൽ. ഇന്നലെ രാത്രിയാണ് അപകടം. വെള്ളിപ്പറമ്പ് വിരുപ്പിൽ മുനീറിന്റെയും ആയിഷയുടേയും മകനാണ്. നടപടിക്രമങ്ങൾ പൂർത്തിയാക്കിയ ശേഷം മയ്യത്ത് നാട്ടിൽ എത്തിച്ച് മറവ് ചെയ്യുമെന്ന് ബന്ധുക്കൾ അറിയിച്ചു.