എല്‍ഡിഎഫ്‌ ബിജെപി ബലാബല സീറ്റില്‍ മുസ്ലിം ലീഗ് സ്ഥാനാര്‍ത്ഥിക്ക് എതിരില്ല
മഞ്ചേശ്വരം മണ്ഡലത്തിലെ മംഗൽപാടി പഞ്ചായത്തിൽ മുസ്ലിം ലീഗ് സ്ഥാനാർത്ഥി എതിരില്ലാതെ തിരഞ്ഞെടുക്കപ്പെട്ടു.
24-ാം വാർഡായ മണിമുണ്ടയിൽ ലീഗ് സ്ഥാനാർത്ഥിയായി പത്രിക സമർപ്പിച്ചിരുന്ന സമീനയാണ് എതിർ സ്ഥാനാർത്ഥികളില്ലാത്തതിനാൽ ഏകകണ്ഠമായി തിരഞ്ഞെടുക്കപ്പെട്ടത്. കഴിഞ്ഞ തിരഞ്ഞെടുപ്പിൽ മുസ്ലിം ലീഗ് സ്ഥാനാർത്ഥി പരാജയപ്പെട്ട ഈ വാർഡിൽ ബിജെപിയും സിപിഎമ്മും തുല്യ ശക്തികളാണെന്നു പറയുന്നു. നിലവില്‍ മഞ്ചേശ്വരം ബ്ലോക്ക് പഞ്ചായത്ത് പ്രസിഡൻ്റാണ് സമീന.
നാമനിർദ്ദേശ പത്രിക സമർപ്പിക്കേണ്ട അവസാന ദിവസമായി വെള്ളിയാഴ്‌ച വരെ സമീനയും ഡമ്മിയും മാത്രമേ പത്രിക സമർപ്പിച്ചിരുന്നുള്ളു
കഴിഞ്ഞ തവണ ഇവിടെ എൽഡിഎഫ് പിന്തുണയോടെ മത്സരിച്ച സ്വതന്ത്രസ്ഥാനാർഥി മഹ്‌മൂദ് 34 വോട്ടുകൾക്ക് മുസ്‌ലിംലീഗിലെ അസീം മണിമുണ്ടയെ പരാജയപ്പെടുത്തിയിരുന്നു. ഈ സീറ്റിലാണ് ഇത്തവണ ലീഗ് സ്ഥാനാർഥിക്ക് എതിരില്ലാത്തത്.
