യുഎഇ, സൗദി അറേബ്യ, സുഡാൻ, ഇറ്റലി രാജ്യങ്ങളിൽ നിന്നുള്ള 12 ബോട്ടുകളാണ് മത്സരത്തിൽ പങ്കെടുക്കുക
യുഎഇ അന്താരാഷ്ട്ര ഫോർമുല 4 പവർബോട്ട് ചാമ്പ്യൻഷിപ്പ് ജനു.17,18 തിയ്യതികളിൽ
ആവേശം വിതറാന് യുഎഇ അന്താരാഷ്ട്ര ഫോർമുല 4 പവർബോട്ട് ചാമ്പ്യൻഷിപ്പ് വരുന്നു. ജനുവരി17,18 തിയ്യതികളിലാണ് ചാമ്പ്യന്ഷിപ്പെന്ന് അബുദാബി മറൈൻ സ്പോർട്സ് ക്ലബ് പ്രഖ്യാപിച്ചു. മറൈൻ ഫെസ്റ്റിവലിൻ്റെ ഭാഗമായി അബൂദബി കോർണിഷിലാണ് ആവേശകരമായ മത്സരങ്ങൾ അരങ്ങേറുക.
എലൈറ്റ് സ്പീഡ് ബോട്ട് റേസർമാരുടെ പങ്കാളിത്തത്തോടെ നടക്കുന്ന ചാമ്പ്യൻഷിപ്പില് യുഎഇ, സൗദി അറേബ്യ, സുഡാൻ, ഇറ്റലി എന്നീ രാജ്യങ്ങളിൽ നിന്നുള്ള 12 ബോട്ടുകളാണ് മത്സരത്തിൽ പങ്കെടുക്കുക.
