റീൽസ് ചിത്രീകരിച്ച് സമൂഹ മാധ്യമത്തിൽ പോസ്റ്റു ചെയ്യുന്നതില് മികവ് തെളിയിച്ചയാളാണ് സന്തോഷ്
ആരിക്കാടിയിൽ യുവാവ് ജീവനൊടുക്കി
റീൽസ് ചിത്രീകരണത്തിനിടയിൽ പറ്റിയ പിഴവിൽ മനം നൊന്താണെന്നു സംശയം, യുവാവ് കിടപ്പുമുറിയിൽ ജീവനൊടുക്കി. കാസര്ക്കോട് കുമ്പള, ആരിക്കാടി, ഒഡ്ഡു ഗ്രൗണ്ടിനു സമീപം താമസിക്കുന്ന ബാബുവിൻ്റെ മകൻ സന്തോഷ് (30)ആണ് മരിച്ചത്. ഇന്നലെ രാത്രി 11 മണിയോടെയാണ് സംഭവം. സുമതിയാണ് മാതാവ്. ഏകസഹോദരി ഭവ്യ.
റീൽസ് ചിത്രീകരിച്ച് സമൂഹ മാധ്യമത്തിൽ പോസ്റ്റു ചെയ്യുന്നതില് മികവ് തെളിയിച്ച സന്തോഷ്, കഴിഞ്ഞ ദിവസം തെർമ്മോക്കോളുമായി ബന്ധപ്പെട്ട റീൽസ് ചിത്രീകരിച്ചിരിന്നു. ഇതിനിടയിൽ തെർമ്മോക്കോൾ പൊട്ടി, ഇതിൻ്റെ വീഡിയോ സുഹൃത്തിനു അയച്ചു സന്തോഷ് വിഷമം അറിയിച്ചിരുന്നു. തൊട്ടുപിന്നാലെ
സുഹൃത്ത് സന്തോഷിനെ ഫോൺ ചെയ്തുവെങ്കിലും പ്രതികരിച്ചില്ല. ഇക്കാര്യം
സുഹൃത്ത് വീട്ടുകാരെ ഫോൺ ചെയ്ത്
അറിയിച്ചതിനെ തുടർന്നാണ് കിടപ്പുമുറി പരിശോധിച്ചത്. ഈ സമയത്ത് ഹുക്കിൽ തൂങ്ങിയ നിലയിൽ കാണപ്പെട്ട സന്തോഷിനെ ഉടൻ കുമ്പള ജില്ലാ സഹകരണ ആശുപത്രിയിൽ
എത്തിച്ചുവെങ്കിലും ജീവന് രക്ഷിക്കാനായില്ല.
