സ്ഫോടന വാര്‍ത്ത: ദുബൈയോട് റോയിട്ടേഴ്‌സ് ക്ഷമാപണം നടത്തി

കൃത്യമല്ലാത്ത വാര്‍ത്ത നല്‍കാന്‍ ഇടയായതില്‍ 

റോയിട്ടേഴ്‌സ് ക്ഷമാപണം നടത്തി. ദുബൈ പട്ടണത്തില്‍ സ്ഫോടന ശബ്ദം കേട്ടതായി കഴിഞ്ഞ ദിവസമാണ് റോയിട്ടേഴ്‌സ് വാര്‍ത്ത നല്‍കിയത്. പ്രസ്തുത റിപ്പോർട്ട് ഏജൻസിയുടെ എഡിറ്റോറിയൽ മാനദണ്ഡങ്ങൾ പാലിക്കുന്നതായില്ല. ആരോപിക്കപ്പെടുന്ന ശബ്ദ ഉറവിടമോ അവയുടെ പ്രാധാന്യമോ  നിർണ്ണയിക്കാൻ കഴിഞ്ഞില്ല-ഏജൻസി വിശദീകരിച്ചു.

തോംസൺ റോയിട്ടേഴ്‌സ് ട്രസ്റ്റ് തത്വങ്ങൾക്ക് കീഴിൽ നിഷ്പക്ഷവും വിശ്വസനീയവുമായ വാർത്തകൾ പ്രസിദ്ധീകരിക്കുന്നതിനുള്ള കർശനമായ പ്രതിബദ്ധതയ്ക്ക് അനുസൃതമായി, വാർത്ത ഉടൻ പിൻവലിച്ചുവെന്ന് റോയിട്ടേഴ്‌സ് കൂട്ടിച്ചേർത്തു. വാര്‍ത്ത നിഷേധിച്ചു കൊണ്ട് ദുബൈ ഗവൺമെന്റ് മീഡിയ ഓഫീസിൽ നിന്ന് തത്സമയം തന്നെ പ്രസ്താവന നല്‍കിയിരുന്നു.